dit wat oorgebly het

by Kabaal klankbaan

supported by
/
  • Includes unlimited streaming via the free Bandcamp app, plus high-quality download in MP3, FLAC and more.

     $4.50 USD  or more

     

  • Compact Disc (CD)

    Dit wat oorgebly het - Kabaal (klankbaan) se debuut vollengte album. In 'n deursigtige plastiek kassie met 'n oopvou-blaadjie met lirieke.
    Sluit 'n onmiddelik-aflaaibare weergawe van die album in.

    Includes unlimited streaming of dit wat oorgebly het via the free Bandcamp app, plus high-quality download in MP3, FLAC and more.
    ships out within 7 days
    edition of 300 

     $7 USD or more

     

  • Full Digital Discography

    Get all 4 Kabaal klankbaan releases available on Bandcamp and save 35%.

    Includes unlimited streaming via the free Bandcamp app, plus high-quality downloads of Baptism Bonus EP, Baptism, Player two, and dit wat oorgebly het. , and , .

     $8.78 USD or more (35% OFF)

     

1.
02:54
2.
3.
4.
5.
04:33
6.
7.
8.
03:11
9.
03:09
10.
11.
02:26

credits

released October 2, 2012

gegrond op die hersenskimme van Floris Groenewald
woorde en musiek geskryf deur Floris Groenewald
musiekregie en vervaardig deur Nico Benade

opgevoer deur:
Floris Groenewald: akoestiese kitaar, stem, en verwerking
Nico Benade: baskitaar, programering, klawerbord, en elektriese kitaar, en verwerking
Mareli Benade: klawerbord op “Soveel vrae” en “Old-fashioned liefde”

opgeneem by Exclamation Studio - 074 507 9778 deur Nico Benade
gemeng en gemeester deur Bradley Cooper (082 954 1510) by Exclamation Studio
behalwe “’n Dag om na uit te sien” - gemeng en gemeester deur Nico Benade

tags

license

all rights reserved

about

Kabaal klankbaan Pretoria, South Africa

Kabaal klankbaan is Gauteng-based musician Floris Groenewald’s folk-rock music project. “It’s not a stage name,” says Floris, “but a band, of which I’m the only permanent member.” They play acoustic, alternative folk-rock, which varies from indie-pop songs, folky dystopian love songs, bluesy rock & roll, to songs about robots and video games. ... more

shows

contact / help

Contact Kabaal klankbaan

Streaming and
Download help

Shipping and returns

Redeem code

Track Name: soveel vrae
sy stap elke dag dieselfde pad wat haar lei nêrensheen
sy hou haar voete dop wat haar dra op die pad nêrensheen
sy het haar lewe vooruit beplan saammet haar trouman
sy het geweet sy gaan met hom trou maar waar is hy nou?

Sy't soveel vrae om te vra, soveel vrae om te vra
Maar niemand antwoord, behalwe haar ma
Sy't soveel vrae om te vra, soveel vrae om te vra
en sy kry geen antwoord by haar pa

sy stap elke dag dieselfde pad wat haar lei nêrensheen
sy hou haar voete dop wat haar dra op die pad nêrensheen
Sy dra nou maar 'n masker, sodat sy altyd bly is, al vra sy waar hy is
Hy was 'n hartedief, hy't gesê hy't haar lief, maar waar is hy nou?

Sy't soveel vrae om te vra, soveel vrae om te vra
Maar niemand antwoord, behalwe haar ma
Sy't soveel vrae om te vra, soveel vrae om te vra
en sy kry geen antwoord by haar pa

Sy't soveel vrae om te vra, soveel vrae om te vra
Sy kry geen antwoord, sy kry geen antwoord nie
Sy't soveel vrae om te vra, soveel vrae om te vra
en sy kry geen antwoord
Track Name: hierdie liedjie gaan waarskynlik oor die liefde, maar ek sal nie weet nie
as daar wolwe is wat dalk vir jou wou grom
of selfs hondjies wat speels hul tande wil wys
wil ek daar wees om met 'n omhelsing 'n muur om jou te bou
en jou so veilig van die roofdiere te hou

ek wil die vyande uit jou drome hou
ek wil die monsters verslaan
ek wil 'n wakende oog oor jou slaap hou
sodat jy weer veilig op kan staan

as die vloede kom en als wat aan jou behoort wegspoel
of as jy 'n traan of twee oor jou wang voel
wil ek daar wees al kan ek niks vir jou teruggee
al is ek net iemand op wie jy daaroor kan skree

ek wil die vyande uit jou drome hou
ek wil die monsters verslaan
ek wil 'n wakende oog oor jou slaap hou
sodat jy weer veilig op kan staan

as ek nie daar is nie wil ek hê jy moet iemand kry
wat jou veilig kan hou en gelukkiger maak
as jy vir my

ek wil die vyande uit jou drome hou
ek wil die monsters verslaan
ek wil 'n wakende oog oor jou slaap hou
sodat jy weer veilig op kan staan
Track Name: dit wat oorgebly het
ek kyk weer deur die foto's wat ons daai aand geneem het
ek dink weer die gedagtes wat my daai aand vervreem het

draai jou kop as 'n geskenk vir my toe
ek wil jou verstaan, maar ek weet glad nie hoe
skryf jou gedagtes uit in 'n leesbare handskrif
werk net saam, en oorbrug hierdie rif

ek onthou nogsteeds die woorde wat jy lankal vergeet het
ek onthou my antwoorde wat jy toe nog opgevreet het

draai jou kop as 'n geskenk vir my toe
ek wil jou verstaan, maar ek weet glad nie hoe
skryf jou gedagtes uit in 'n leesbare handskrif
werk net saam, en oorbrug hierdie rif

dit was hierdie tyd 'n jaar terug
wat ek jou eers leer ken het
en nou, hoeveel maande later,
voel dit of ek nog niks gewen het

draai jou kop as 'n geskenk vir my toe
ek wil jou verstaan, maar ek weet glad nie hoe
skryf jou gedagtes uit in 'n leesbare handskrif
werk net saam, en oorbrug hierdie rif
Track Name: 'n dag om na uit te sien
jy ken my intiem van binne en voor
jy het my gewys hoe om dinge aspris te verloor
hoekom dan wegkyk? hoekom dan skaam wees?
waarvandaan kom ons obsessie met vermom?
wat van net aangryp? wat van net saamspeel?
hoekom skuil vir dit wat kom?

jy't my vertel van 'n dag om na uit te sien
maar die volgende keer het dit verander van 'n ja na 'n miskien
hou op gate krap in jou droomwêreld se nuwe laag verf
jy's besig om jou toekomsblik heeltemal te bederf

ek ken skaars jou naam, maar ek't al in jou siel vasgestaar
die waarheid bly onuitgespreek; 'n onleesbare gebaar
dit kan ek verstaan, en ek sal jou dit vergewe
maar nie as jou asemhaling jou woorde verraai

jy't my vertel van 'n dag om na uit te sien
maar die volgende keer het dit verander van 'n ja na 'n miskien
hou op gate krap in jou droomwêreld se nuwe laag verf
jy's besig om almal om jou se toekomsblik heeltemal te bederf

jy ruik soos die waarheid maar jy lyk soos 'n leuen
ek kan jou nie glo nie, maar jy weet ek wil

jy't my vertel van 'n dag om na uit te sien
maar die volgende keer het dit verander van 'n ja na 'n miskien
hou op gate krap in jou droomwêreld se nuwe laag verf
jy's besig om almal om jou se toekomsblik heeltemal te bederf

miskien as ek my oë sluit, kan ons ophou glo
dan vergeet ons die halwe waarhede, en ons aanvaar dit so
Track Name: oorreageer
hoe spel mens nouweer "ek mis jou"?
rym dit met "verlief"?
hoe skryf 'n mens nouweer 'n liefdesbrief?

die duister in my kop (kan ek dit ylhoofdigheid noem?)
maak dat my verlange die hele wêreld verbloem

is hierdie nou oorreageer?
is my drome nou in beheer?
ek sweer jy kan met my toor
ek kan nie sien, proe, voel, of hoor nie

in 'n vroegoggend mis-wolk sien ek deur druppels dou
waarom hierdie weer almal herinner aan jou

is hierdie nou oorreageer?
is my drome nou in beheer?
ek sweer jy kan met my toor
ek kan nie sien, proe, voel, of hoor nie

hoe voel verlange nouweer?
is dit die een met die hartseer?
of dink ek aan die liefde?

dink ek aan die dringende inasem? die ewige vraag?
die sterre op aarde? die vlinder in my maag?
die dans sonder ritme? die blinde hartstog? die eindelose

beskrywing?

is hierdie nou oorreageer?
is my drome nou in beheer?
ek sweer jy kan met my toor
ek kan nie sien, proe, voel, of hoor nie

hoe spel mens nouweer "ek mis jou?"
rym dit met "verlief"?
Track Name: die volgende keer
ek het haar gesien val
ek was te laat om te keer
ek het haar gesien opstaan en aanloop
maar dit sal anders wees die volgende keer

die volgende keer wil ek haar kan vang
ek wil haar oë toe sus al is sy bang
ek wil haar styf vashou en haar seer genees
ek wil haar laat weet sy hoef niks te vrees

ek het haar gesien val
ek was te laat om te keer
ek het haar gesien opstaan en aanloop
maar dit sal anders wees die volgende keer

die volgende keer wil ek haar kan vang
ek wil haar oë toe sus al is sy bang
ek wil haar styf vashou en haar seer genees
ek wil haar laat weet sy hoef niks te vrees

ek wil die donderstorms om haar stilmaak
ek wil die water van haar wang afvee
en as sy niks oorhet om voor te glimlag nie
wil ek vir haar 'n rede gee

ek het haar gesien val
ek was te laat om te keer
ek het haar gesien opstaan en aanloop
maar dit sal anders wees die volgende keer
Track Name: om weer te bel
jy bly vir my 'n beset-toon
ek't opgehou om te bel
jy bly vir my 'n beset-toon
ek't opgehou om te bel

maar eergister het my vingers oudergewoonte jou nommer losgeslaan
en toe jy die lui ontvang, kon ek nie anders as om woordeloos terug te staan

jy bly vir my 'n beset-toon
ek't opgehou om te bel
jy bly vir my 'n beset-toon
ek't opgehou om te bel

bel jy terug, voel ek oombliklik verlig
maar ek onthou hoe alles ontvou het,
oopgebreek het,
gespat het,
dalk selfs verbrand het,
en antwoord kry jy nie

jy bly vir my 'n beset-toon
ek't opgehou om te bel
jy bly vir my 'n beset-toon
ek't opgehou om te bel
Track Name: sonopkoms
staar na jou lag-oë is nie meer genoeg nie
jou asemhaling ken ek al te goed
slegs die draaie van jou skoene op die sitkamer-dansvloer
is deesdae te min om my jou-lus te voed

drink aan jou drome maak my nie meer dronk nie
jou hand moes my arm verleng
dalk is daar langer lere te klim,
beter pryse te wen

draai my wanneer ons in die kollig dans
skree hard op my wanneer jy omgee
toor met my sonder om die toertjie te verduidelik
verdrink my met selfmoord in die see

drink aan jou drome maak my nie meer dronk nie
jou hand moes my arm verleng
dalk is daar langer lere te klim,
beter pryse te wen

wanneer gaan jy my laat skree
sonder om my met 'n rumoer te kul?
gaan ons laaste afskeid dalk
my laaste leemte vul?

jy word die vyand, maar wees eers 'n vriend
dis mos nie die einde wat tel
vergeet die klein goedjies wat alledaags pla
dis nie die trane wat ons sal oorvertel

drink aan jou drome maak my nie meer dronk nie
jou hand moes my arm verleng
dalk is daar langer lere te klim,
beter pryse te wen
Track Name: heldedade
ek wag vir jou
jou yskoue maak my nie skrik nie

ek staar na die ouma-meubels
terwyl heldedade oor my straal
my vrees hou my stil, al wil ek vlug
'n ander storie vertel my van ons

want ek wag vir jou
jou yskoue maak my nie skrik nie

net die tyd draai ons skroewe vaster
soos 'n laataand kaartspel waar ons oopgesig lieg
die vrae stapel, die ja's word nie meer nie
en dit maak die gemak van die onbekende tot niet

want ek wag vir jou
jou warm koue maak my nie skrik nie
Track Name: verlief op 'n ondier
vleg die wolke in 'n armband
op my skouer mis ek die hand
van 'n volgeling die duister in
die infantrie van toewyding

ek is verlief op 'n ondier
ek is verslaaf aan 'n onding
ek wil nie die woorde teëkom nie,
wat regverdigheid wil bring

more steel ek jou blaassoen terug
en pluk vir jou die aarde se laaste vrug
'n ongewensde vraagteken
lei na onverwagte berekening

ek is verlief op 'n ondier
ek is verslaaf aan 'n onding
ek wil nie die woorde teëkom nie,
wat regverdigheid wil bring

die uitspreek van ons woorde,
soos 'n waarword-towerwoord
gee dalk 'n nimmerland-kaartjie
of pleeg dalk towenaar-moord

ek is verlief op 'n ondier
ek is verslaaf aan 'n onding
ek wil nie die woorde teëkom nie,
wat regverdigheid wil bring
my drome het ek nie verdien nie,
en ek kan dit ook nie koop
al kans om daaraan te kan ruik,
is 'n half-dink droomland-hoop
Track Name: hoop
hoop is al wat ek vir jou het - 'n hopelose geskenk
'n wegkom-wens,
'n heelword-hoop
dat jou dae vorentoe vreedsaam verloop

staan hoog op en kyk boontoe
plant vas teen die wind
gryp vandag aan sonder gisters
elke dag is jy 'n nuwe kind